புன்னகைத்து விட்டுப் போ
ஊழிக்காலத்திற்கென
சற்று சேமித்து வைத்துக்கொள்கிறேன்
நான்.
----------------------------------------------------------------
பரவாயில்லை
காலம் காலமாகி வரும்
கல்லறை முடிவு தானே காதலுக்கு
சரி விடு...
ஒன்றிரண்டு கவிதைகளேனும்
தேறுமா பார்க்கிறேன்..
----------------------------------------------------------------
மற்ற எல்லாவற்றையும் தூக்கி உடைப்பில் போடு
காதல் வந்து விட்டது எனக்கு
----------------------------------------------------------------
முத்தங்களின் பழக்கூடையை
கைப்பற்றிவிட்டான்
பழநிபாரதி
கொஞ்சல்வழிக்கல்வியிலும்
சேர்ந்து விட்டான் தபூசங்கர்
எனக்காக ஏதேனும்
மிச்சமிருக்கிறதாவெனத் தேடுகிறேன் நான்.
----------------------------------------------------------------
ஏனிப்படி மாறிப்போனேனென
ஆச்சரியமாய்த்தானிருக்கிறது..
காதலெனும் கிறுக்குத் தனம்
என்னுள்ளும் வருமோவென
உன்னிடமே வினவியவன் நான்..
ஆனால் இனியும் உனை மறக்க
என்னாலாகுமோவென
என்னிடமே வினவுகிறேன் இன்று..
----------------------------------------------------------------
உன் முகம் மோதித்தவழும்
சூரியக் கதிரின்
ஒளிக்கற்றையுனை
விருது பெற்ற
புகைப்படமாய்
மாற்றத் தலைப்படுகிறது
----------------------------------------------------------------
முகமகிழ்ச்சியாய்க்
காண ஆசையாயிருக்கிறதெனக்கு
உன் அகமகிழ்ச்சியை
----------------------------------------------------------------
ரைட்டு...
ReplyDeleteஎன் மனம்கவர்ந்த அத்தனை கவிதைகளுக்கு ஒரு சபாஷ்...
ReplyDeleteமற்றும் எனது புத்தாண்டு நல்வாழ்த்துக்கள்...
ReplyDeleteஇதையும் இந்த ஆண்டு முழுமைக்கும் சேமித்து வைத்துக் கொள்ளுங்கள்
அருமை புத்தாண்டு வாழ்த்துக்கள் .
ReplyDelete